O  Grupo de Desenvolvemento Rural Terras do Deza, abarca os concellos da Comarca co  mesmo nome, de: Agolada, Dozón, Lalín, Rodeiro, Silleda e Vila de Cruces, que contan, actualmente, cunha  poboación de 46.984 hab. (Datos IGE 2009), distribuídos en 1.026,7 km2.

Conflúen na  comarca os ríos Deza, Ulla, Arnego e os seus  afluentes, e o  encoro de Portodemouros,  faino un lugar emblemático e unha das  zonas máis apreciadas da Galicia interior. Na  Comarca atopámonos co espazo  natural Rede Natura “Ou Sobreiral do Arnego”,e outros  espazos naturais de interese como a Serra do Faro, a Serra do Candán e os Montes de Zobra, Fraga de Catasós, a Pena de Francia, as Cataratas  de Escuadro e de Toxa, as “brañas de Ramil” e os  Torrentes do Ulla. O territorio está tamén marcado polo sinal do Camiño de Santiago, na  súa variante da  Vía da Prata que travesa o Deza por Dozón, Lalín e Silleda, e o  Camiño de Inverno que entra na  Comarca polo  Alto do Faro en Rodeiro continuando por Lalín, onde morre ao conectar coa vía da Prata en Laxe, na  parroquia de Prado.